GzVideos

O passado 17 de dezembro celebrou-se umha jornada de debate sobre consumo responsável no CS A Revolta (Vigo) na que Miguel Méndez, do Sindicato Labrego Galego, apresentou o modelo de agricultura de responsabilidade compartilhada, com o objectivo de artelhar um grupo de consumidor@s que adquiram os produtos directamente às produtor@s.

O Sindicato Labrego Galego continúa as mobilizacións do sector leiteiro nestes días para manter a presión social de cara ao próximo cumio de ministrxs de agricultura da Unión Europea. As súas demandas son un prezo mínimo para o leite que cubra os costes de produción e remunere o traballo, equlibrar a produción coa demanda, redistribución da cota láctea en base a criterios sociais e o mantemento de mecanismos de control da produción.

23-09-2009 O Sindicato Labrego Galego súmase ás protestas a nivel europeo para reclamar un prezo xusto para o leite, que agora non chega nin para cubrir os costes de produción. Así xunto coa non entrega de leite por parte de explotacións das comarcas do Xallas, Arzúa, Ordes, Compostela e Costa da Morte, 60.000 litros de leite procedentes dunhas 300 explotacións lácteas foron esparexidos nunha leira da parroquia de Nemenzo (Compostela). Con esta acción o SLG pretende “transmitir que o prezo do leite é tan baixo que antes que regalarllo ás industrias para que se enriquezan á nosa costa e á dxs consumidorxs” consideran “máis útil empregalo para chamar a atención da cidadanía e esixir solucións por parte dos gobernos a esta grave crise”.

A Plataforma Galega Antitransxénicos e mais a Rede Anticapitalista organizaron o pasado día  17 en Compostela, no marco do Día Internacional da Loita Labrega, a escenificación do enterro da agricultura e unha acción-denúncia nunha área comercial. O vídeo inclúe tamén imaxes da comitiva galega da manifestación estatal contra os transxénicos do día 18 en Zaragoza, á cal se sumou o Sindicato Labrego Galego. Mais info no web da RA.

Acto celebrado polo colectivo feminista Andaina en recoñecemento e apoio á sindicalista labrega Lidia Senra no C.S. Gentalha do Pichel.