GzVideos

Manolo Cazolo matou a muller,/con sete coitelos e un alfiler, así berra o estroubo do novo video-clip de Machina. Manolo Cazolo, personaxe dunha canción popular galega que de nenos nos cantaban, móstrandonos a face máis escura do que chamamamos tradición oral. A violencia machista como fenónemo normalizado aínda que, supoñemos, rexeitado pola maioría. Óscar Ansótegui volve a firmar o guión e dirección da peza da banda cercedense. Nela, Manolo Cazolo convértese nun personaxe de terror, implacable e sen rostro individual. Máis que os golpes, a súa violencia é o medo. O camiño é a elección, a liberdade dunha muller que nos mira buscando comprensión para saír desa prisión escura, na que un día afastado, entrou por amor.

Videoclip do tema “Criptozooloxía aplicada” , incluído no disco “A Grande evasión” (2009) de Ataque Escampe. Realizado por Rafa Pazos.

Videoclipe do grupo de punk-rock Skarmento de Lalín.

A III Edición do Festival Furtivo que tiña previsto celebrarse en Cangas durante a ponte de decembro fica finalmente suspendida. A falta de axudas por parte do concello provocou que a organización deste festival de música alternativa decidise a súa cancelación pola inviabilidade económica do proxecto. Denuncian tamén que a Concellalía de Mocidade de Cangas condicionou a súa colaboración á non aparición de reivindicacións ou pancartas contra o porto deportivo de Massó no festival, algo inaceptábel para os organizadores, que entenden isto como un ataque a liberdade de expresión. Pese a todo mantense a celebración dun concerto para o día 4 de decembro.