GzVideos

“Diferentes voces abordan a influencia dos cambios do espazo urbán e dos procesos especulativos na vida das mulleres do barrio de Monte Alto (A Coruña). Un barrio onde podemos aprender das vellas redes comunitarias texidas polas mulleres para transformar o noso presente.”

Aquí vai a peza especial que editamos para ser proxectada no MUFEST, o festival de cine feito por mulleres, organizado por Andaina. O vídeo está comprimido en alta calidade, así que as que teñades unha conexión máis lenta teredes que ter paciencia e esperar un rato a que cargue. Tamén podedes descargalo nesta ligazón.

Falamos com Maria Galindo do colectivo feminista Mujeres Creando de Bolivia, que estivo esta semana na Galiza convidada pola Universidade Invisibel, a Assembleia de Mulheres de Vigo e Nomepisesofreghao, para compartilhar experiências do seu trabalho em América do Sul com as companheiras galegas no Cs A Revolta de Vigo e no Cs Atreu! da Corunha.

O 8 de Marzo, Día Internacional da Muller Traballadora, centos de manifestantes acudían ao chamamento da Marcha Mundial das Mulleres en Compostela, baixo o lema “As mulleres contamos, as mulleres traballamos”. As principais vindicacións xiraron en torno á necesidade de recoñecer o papel da muller e non ceder perante as ameazas empresariais de despedimentos nesta etapa de crise , xunto con demandas históricas, como o direito ao aborto libre e gratuito ou a fin do patriarcado.Mais info no web da Marcha Mundial das Mulleres.

A Secretaría da Muller da CIG vén de conceder o premio do Día da Muller Traballadora, na súa III Edición, á presidenta do Comité de Empresa de Lorenzo Froiz, Lucía Freire, vítima de represión sindical e quen se tivo que enfrontar a unha querela criminal presentada pola empresa, acusándoa de falsa testemuña ao declarar a favor dunha compañeira que fora sancionada. O premio foi entregado pola secretaria de Muller, María do Carme López Santamariña, nun acto no que tamén recibiron unha especial mención pola súa loita e valentía o conxunto das traballadoras da antiga Valeo e da Conserveira Pérez Lafuente. Mais info en Avantar.