GzVideos

21-11-09 Vídeo da homenaxe ás vítimas do franquismo enmarcada dentro das VIII Xornadas Libertarias organizadas pola Unión Libertaria. O acto tivo lugar no ceminterio de Canido, coa participación dxs poetas Carmen Blanco, Claudio Rodríguez Fer, Gaspar Domínguez e Alfonso Rodríguez, o músico Víctor Agulló e intervencións da Comisión para a Recuperación da Memoria Histórica da Coruña, Asociación Cultural Memoria Histórica Democrática e Asociación para a Dignificación das Vítimas do Fascismo.

19 de Abril do 2009 - Co gallo das actividades arredor do día da República 2009, a CRMH organizou un novo roteiro, contra a simboloxía franquista na cidade da Coruña. Beatriz Amigo inmortalizou coa súa cámara o evento. A CRMH e Bulideiro de edicións amósanvos o video resultante dese traballo.

Achegamos este documentário publicado na web Flocos.tv, que “recolhe as luitas do campesinhado galego pola recuperaçom dos montes comunais que lhe forom usurpados a partir de 1939″. Filme realizado por LLorenç Soller.

O pasado 8 de agosto a Comisión pola Recuperación da Memoria Histórica da Coruña (CRMH) levou a cabo un acto festivo e reivindicativo nos exteriores do Pazo de Meirás para reclamar a devolución deste ao pobo galego. Mentres dentro estábase a celebrar a voda oficial da familia Franco a CRMH ofrecía unha voda alternativa á que acudiu o mismísimo Caudillo, resucitado para a ocasión. A esta peculiar ceremonia acudiron máis de 400 persoas e tamén suscitou o interese da prensa “rosa” e dos medios de comunicación empresariais. Máis info na páxina da CRMH e neste blogue.

A Comisión pola Recuperación da Memoria Histórica da Coruña organizou o pasado sábado 5 de Xullo un “Roteiro da vergoña” que vindicou a eliminación do rueiro da cidade de calquera referencia ou símbolo franquista que aínda perdure (e son moitos os casos, como a rúa General Sanjurjo, División Azul, Alférez Provisional, o hospital Juan Canalejo… mentres que o edificio do concello conserva intactas as vidreiras co escudo franquista e considera aínda como fillo predilecto ao dictador). Varios ilusionistas, entre os que se atopaba o mago Antón, acompañaron a marcha, e incluso conseguiron que a estatua de Millán Astray (fundador da Legión española) desaparera misteriosamente. Iso e moito mais no video que editamos.