GzVideos

Desde as 12 horas, e saíndo da Praza do Concello, os manifestantes marcharán atrás de cartaces que, entre outros, acollerán o lema principal: “Este modelo ten alternativa: defendamos o litoral!”. Deste xeito, nesta data, a defensa da costa do país centrará as reivindicacións, e denunciaranse “os contínuos maltratos e agresións que soporta o noso litoral, froito da especulación salvaxe e deste modelo depredador de crecemento económico, que equipara crecemento e benestar social”. Fonte: Vieiros.

Engadimos esta nova peza audiovisual sobre a pasada mobilización da rede Galiza Non Se Vende.

Milleiros de persoas chegadas de toda Galiza convertiron a praza da Quintana nun escenario dende o que se clamou pola vida. A vida dos nosos mares e da nosa terra. A vida da nosa xente, dos coetáneos e dos vindeiros. Un berro que advirte aos gobernantes que non hai diñeiro suficiente para mercar o mellor patrimonio dos galegos. Que a dignidade non ten prezo.

Recollemos vídeo realizado polo colectivo A Ría Non Se Vende, no que se explica, a través de diferentes diapositivas, o impacto social e ambiental que supón a posta en marcha do plan Vigo Íntegra. Tamén informamos de que o próximo 30 de novembro vai ter lugar unha manifestación pola retirada do plan.

Coincidindo co sexto aniversario da maior devastación ecolóxica que tivo lugar no noso país, a rede Galiza Non Se Vende alerta dun novo “Prestige” que navega polas augas dos mercados capitalistas ata as consellarías da Xunta, se ben este é máis destrutor que o anterior. Para denunciar esta ameaza medioambiental, activistas de GNSV pecháronse o pasado 13 de novembro en diversos edificios públicos das principais cidades e vilas galegas.

Máis info na páxina de GNSV.