GzVideos

8 de fevereiro de 2009, Domingo Oleiro. Depois de “dar a murga” durante horas na Alameda o bloco ridiculista “Bilingüismo Mr. Marshall” encaminhou os seus passos para a estátua de “Rosa Díaz”, aliás, Rosalia, no Passeio da Ferradura. Depois de celebrarem umha Missa de Campanha (e sem vinho de missa) na honra da que um ano depois é a política melhor valorizada do Império Pequeno e perante a impossibilidade de irem tomar um “vinho espanhol” ao “Franco” (pois a Zona Velha estava tomada por “polis & cacos”) as/os ridiculistas decidiram ir tomá-lo à “Plaza de José Antonio”, na Zona Nova de Santiago (y cierra España). Mais info en Seioque.com

A Associaçom Cultural Revira (Ponte Vedra) convocou o passado dia 12 de Setembro, umha homenagem a Castelao e “contra os enterradores do idioma”, coincidindo com as jornadas galegófobas que o colectivo ultra-espanhol “Galicia Bilingüe” celebrava no Museu da cidade com fundos da Deputaçom Provincial. Podes ler mais na crónica do PGL.

GzVideos apresenta umha nova entrega dos materiais gravados durante a “marcha do odio” que contra a nossa língua organizou a entidade espanholista “Galicia Bilingüe” no 8F. Após a crónica de emergência que disponibilizamos às poucas horas de se producirem os factos e à superproducçom de 1 hora de duraçom em quatro capítulos “Sunday, Pottery Sunday” (em colaboraçom com Seioque.com) chega a video-crónica “Defender a Língua Nom é Delito”. Nela fai-se um percorrido cronológico desde o início das mobilizaçons até as detençons e posteriores concentraçons de solidariedade tanto em Compostela como em Vigo. Contém numerosas entrevistas com activistas do galego e manifestantes que no dia 8 contestarom a demonstraçom galegófoba da entidade que pretende limitar os direitos lingüísticos dos galego-falantes e legitimar de facto a impossiçom secular do espanhol.

De GzVídeos agradecemos a colaboraçom dos e das manifestantes que intervirom nesta reportágem e chamamos à distribuiçom maciça dos materiais ante a intoxicaçom contínua à que nos sometem certos medios interessados em criminalizar os manifestantes que saíram a defender o nosso idioma de diversas formas, sendo duramente reprimidos pola policia.

Uma super-produçom de Gzvideos e Sei o que nos figestes… nos últimos 525 anos sobre os acontecimentos do 8F. Inclui o recebimento a Gloria Lago no CS O Pichel, entrevistas com manifestantes de GB e diversas peças de humor carpetovetónico. Dedicado a todas as pessoas que se mobilizaram no Domingo Oleiro contra o desfile da Ordem de Orange. A festa é o único caminho! Para ver o resto dos vídeos dá-lhe a mais.

(more…)

Breve peça de humor na que Manquiña interpreta umha conhecida cançom de Manolo Escobar para agradecer a GB a manifestaçom do passado domingo. Proximamente estará disponível umha reportagem especial sobre a manifestaçom de GB. Estai atentas…