GzVideos

“Nun día laborábel, a Plataforma Queremos Galego conseguiu encher a Praza do Obradoiro. Miles de cidadáns pediron a retirada do “Decreto do Plurilingüismo”, que reduce o mínimo de clases en galego do 50 ao 33 por cento.”

O Foro da Mocidade de Vigo voltou a se mobilizar na rua, está vez pola convocaçom de greve nacional do ensino contra o decreto anti-galego do PP.

O día 25 de novembro, con motivo do Día Internacional contra a Violencia de Xénero, CIG, CCOO, UGT e STEG levaron a cabo unha concentración diante da Consellaría de Educación, en San Caetano, co obxectivo de denunciar a actitude da administración educativa que acordou subvencionar aos centros do Opus Dei que segregan ao alumnado por razóns de sexo, a pesares de que o anterior goberno tivera informado negativamente ditos concertos debido a que incumprían a lexislación educativa vixente Mais info no web da CIG.

Vídeo da mani celebrada en Arteixo, o 20 de xuño de 2009, en solidariedade co compañeiro Brais, mestre expedientado e despedido das listas da xunta, por ter solicitado que as súas aulas fosen en galego como manda a lei. + info sobre o caso en: http://cntgaliza.org/?q=casoBrais

Pouco despois das dez e media da mañá milleiros de escolares comezaban a chegar á Praza do Rei para participar nesta nova edición do Correlíngua, que comezou o 5 de maio simultáneamente nas cidades de Vigo e Pontevedra, e que percorrerá até o 15 de maio as distintas comarcas do noso país, achegando o galego aos máis novos e desde actividades que xa comezaron desde o inicio do curso para fomentar o uso do galego e a normalización e difusión do noso idioma. En Vigo foron perto de 5.000 rapaces e rapazas as que participaron da manifestación e do espectáculo final que se celebrou no Parque de Castrelos con teatro, música e participación destes nenos e nenas.