GzVideos

A manhã do 16 de dezembro de 2009 um grupo de pessoas e colectivos, entre eles a Assembleia de Paradxs, entrou à Bolsa de Barcelona para denunciar a situaçom na que já se encontram 4 milhons (cara 5) de paradxs em todo o Estado, para denunciar que nom pode ser que o subsídio, a falta de trabalho e de cobrar o desemprego, seja de 400 miseráveis euros, e que xs de sempre seguimos pagando esta crise…

A Confederación Intersindical Galega mobilizou nas manifestacións convocadas nas sete cidades, na Mariña e en Ribeira a máis de 20.000 traballadores e traballadoras que baixo o lema “Polo Emprego, Dereitos e Prestacións Sociais” se sumaron ás reivindicacións realizadas pola central, fronte á continuidade da aposta polo modelo neoliberal feita polos goberno e a patronal e a prol dun modelo económico e social máis xusto e solidario. A manifestación máis numerosa foi a celebrada en Vigo, onde participaron preto de 12.000 persoas.

Concentración da Central Unitaria de Traballadores en Vigo o 1º de abril. Esta concentración forma parte dunha campaña xeral convocada pola Federación Sindical Mundial en varias cidades de todo o Mundo, contra a crise do capital.  A CUT escolleu para esta data o cruce de Colón, onde se atopan varias das oficinas bancarias de Vigo.

Ás once da mañá máis de 300 delegados e delegadas do sector da automoción das Federacións do Metal, Químicas e Téxtil saian en manifestación polas rúas de Vigo, para mobilizarse na defensa do emprego no sector. Asi, encamiñaban a súa marcha até o cruce de Colón, onde se encontran catro das principais sedes bancarias da cidade, fronte ás que se concentraron durante case unha hora, para denunciar “a responsabilidade que ten a banca nesta crise, que ademais foi das primeiras beneficiadas das axudas da Administración, con 30.000 millóns de euros, que agora non quere utilizar para revitalizar a economia do país”. Neste cruce soltaron 450 globos, que simbolizan os máis de 4.500 empregos eventuais que se perderon no sector do automóbil desde o mes de setembro do pasado ano. Mais info en Avantar.

Na passada sexta-feira , 12 de dezembro, xs trabalhadorxs saírom em massa à rua dentro da Greve Geral convocada polo sindicalismo alternativo e de base. CUB, Cobas e SdL e USI expressarom a sua oposiçom à lei de Orçamentos e à política económica em geral do governo Berlusconi, como segunda parte da greve do 17 de outubro contra a reforma educativa do governo.