GzVideos

O sábado 28 de novembro tivo lugar no Salón de Actos da Faculdade de Económicas desde as dez menos cuarto e até as catro da tarde o V Congreso Comarcal da CIG de Vigo. Neste congreso avaliouse o traballo realizado pola comarca de Vigo nos últimos catro anos a través do Informe da Executiva, que foi aprobado. Ademais escolléronse o novo secretario comarcal, a nova executiva comarcal e os 19 representantes da comarca de Vigo no Consello Confederal. Mais info no web da CIG. 

O día 25 de novembro, con motivo do Día Internacional contra a Violencia de Xénero, CIG, CCOO, UGT e STEG levaron a cabo unha concentración diante da Consellaría de Educación, en San Caetano, co obxectivo de denunciar a actitude da administración educativa que acordou subvencionar aos centros do Opus Dei que segregan ao alumnado por razóns de sexo, a pesares de que o anterior goberno tivera informado negativamente ditos concertos debido a que incumprían a lexislación educativa vixente Mais info no web da CIG.

27-11-09 “A primeira xornada de folga no sector do comercio da alimentación rexistrou un amplo seguimento tanto na provincia de Pontevedra como na de A Coruña, xa que o 100% do persoal de almacéns secundou o paro, mentres que nas tendas o seguimento foi do 90%, especialmente pola forte represión e medidas de coaccións levadas a cabo nos últimos días polas empresas do Grupo Gadisa.” Máis na web da CIG. Esta reportaxe recolle a mobilización das traballadoras na cidade de Vigo, onde os piquetes foron perseguidos en todo momento por un dispositivo de mercenarios que protexeron os intereses dos empresarios.

14/10/2009: Desde as seis e media da mañá as traballadoras e traballadores da conserveira Alfageme en Vigo comezaban a primeira das tres xornadas de folga convocadas para o mes de outubro, cos piquetes ás portas desta factoría, onde a folga tivo un seguimento total. Ás once da mañá daba comezo unha manifestación desde a sede central de Caixanova, na rúa García Barbón, até as portas do Club Financeiro, fronte á que se encontra a inmobiliaria Promalar, que é a actual dona desta firma. Con esta manifestación o persoal de Alfageme denunciaba o impago do salario do mes de setembro, asi como o plan de viabilidade e a xestión que Juan Lago está a realizar.

As traballadoras e traballadores de Treves da avenida de Vigo e do Campiño secundaron masivamente a xornada de folga convocada. E para visibilizar as súas demandas e continuar recollendo máis apoios, achegáronse neste dia até a cidade de Vigo a mobilizarse até as portas do seu principal cliente: PSA Citroen, do que demandan unha implicación neste conflito. Máis.