GzVideos

O levantamento popular de 1846 marcou um ponto de inflexom na História Contemporánea da Galiza cujas consequências se extendem até o presente. Naqueles dias, nos que se escrevérom algumhas das mais fermosas páginas de heroísmo e combatividade do nosso País, pujo-se por vez primeira, de jeito organizado, a reivindicaçom nacional como eixo central do programa político. O movimento provincialista, rejeitando a ditadura e o centralismo, exigia algo tam singelo como o direito d@s galeg@s a decidirem o seu próprio destino.Cento sesenta e quatro anos depois, de Causa Galiza recolhemos a semente daquela primavera ao afirmarmos que o exercício da autodeterminaçom é, para além dum inquestionável direito que nos é negado, a única garantia dum futuro digno para este País.

06-12-09 “Representantes das diferentes organizaçons soberanistas que venhem apoiando a iniciativa autodeterminista seguravam a faixa de cabeça que marchou polas ruas de Compostela passadas as 12.30 […] Ao contrário do que é habitual nas convocatórias do soberanismo galego, a polícia espanhola nom tivo presença ostensível, o que permitiu que a manifestaçom decorresse, até a praça do Toural, sem nengum incidente.” Mais em KaosGaliza.

Acto político-poético-musical celebrado em Vigo o passado 2 de dezembro, enmarcado dentro da campanha que a plataforma Causa Galiza está a realiçar pola socializaçom do direito de autodeterminaçom do povo galego, que terá o seu ponto algido este domingo 6-D. No dia do 31 aniversário da Constituiçom espanhola, texto que nega os direitos dos povos submetidos ao Estado espanhol, Causa Galiza convoca umha manifestaçom que partirá da Alameda de Compostela às 12h sob a legenda “Sobre nós decidirmos nós. Soberania é democracia”. Ademáis vai-se celebrar um jantar popular na carvalheira de Santa Susana. Após projectará-se um audiovisual do nosso colectivo e haverá umha foliada com a participaçom de Bouba Pandereiteiras. Para rematar, a partir das 19:30 vai-se celebrar um concerto na Alameda no que actuarám os grupos Mini e Mero, Homes sem Medo, Leo e Arremecaghona!!!, Ultraqäns e Ataque Escampe. Este vídeo mistura imagens do acto com outras do arquivo histórico da televissom imperial e distintos materiais relativos à Constituiçom espanhola.

Apesar da chuva, umhas 150 pessoas forom à concentraçom convocada por Causa Galiza em Compostela para visibilizar o movimento soberanista de esquerdas galego, numha jornada de reivindicaçom da autodeterminaçom e de rejeiçom à Constituiçom espanhola, que nesse sábado cumpria 30 anos. Mais info.

Causa Galiza, plataforma ampla a prol da autodeterminaçom da Galiza, logrou reunir milheiros de galeg@s neste Día da Patria em Compostela. A mobilizaçom, que partiu da alameda de Santiago com retrasso, sobre as 14:00 horas da tarde, discorreu polas rúas da capital até chegar à praça do Toural, onde se deu leitura ao manifesto e aos comunicados de apoio por parte de organizaçons internacionais. Mais info na web de Causa Galiza.