GzVideos

A folga do Metal continúa a ser un referente de loita e dignidade, que cada dia colle unha forma e cor distinta, e que se visibiliza masivamente polas rúas de Vigo. Na súa decimoquinta xornada comezou como ven sendo habitual coas marchas pola cidade desde as distintas zonas industriais, e que confluian nunha asemblea na Praza do Concello. Despois continuaban estas mobilizacións, mais ao baixaren pola Gran Via, os antidistubios, que levaban toda a mañá insultando aos traballadores e provocando, cargaron con brutalidade, deixando a un traballador de Navaliber, de Vincios, ferido polos porrazos e pelotazos. As marchas continuaron, e a resistencia dos folguistas non se axeonlla, nin diante da instransixencia da Patronal nin do acoso policial. Toda unha lección de dignidade. Mais info. en Avantar.

Oitava xornada de folga pola negociación do convenio provincial do Metal, e desta volta a convocatoria tamén afectaba a aqueles empresas que teñen convenio propio e son deste sector, como Citroen ou todas as súas auxiliares. A folga contou cun amplo seguimento e cualificouse como todo un éxito desde as centrais sindicais, porque ademais neste novo dia de folga eran moitos os traballadores e traballadoras do Sector que visibilizaban a loita polo convenio do Metal nas rúas de Vigo, con imensas marchas e bloqueos en zonas industriais desde primeirisima hora da mañá. Con esta forza e contundencia o Metal volvia enviar unha mensaxe: este sector non se rende e cada dia ten máis razóns para continuar a dar esta batalla.

 Mais info. en Avantar.

A OTAN está a manter o “status quo” global, a protecçom militar e a protecçom da economia dos países do Oeste (capitalistas), os interesses nos recursos e os interesses hegemónicos que tenhen como consequência a exploraçom dos países do sul. A OTAN de facto converteu-se no braço militar do grupo G7 (G8 menos Rússia), especialmente durante a presente crise económico-financeira este braço armado volta-se a cada vez mais importante. Mais em LaHaine.

A concentraçom de protesto às 20 horas que começou na Praça da Unviersidade de Barcelona e se organizou rapidamente para se manifestarem contra a repressom que tiveram os e as estudantes universitários pola manhá por parte das forças autonómicas, tivo como contestaçom novas acçons de repressom e violência por parte dos antidisturbios. Detiverom mais de 20 pessoas e há dúcias de feridas. O dia 18 de Março, o povo catalám contemplou duas repressons consecutivas. E quantas mais? Onde está a democracia? Mais info em Kaos en la red.

GzVideos apresenta umha nova entrega dos materiais gravados durante a “marcha do odio” que contra a nossa língua organizou a entidade espanholista “Galicia Bilingüe” no 8F. Após a crónica de emergência que disponibilizamos às poucas horas de se producirem os factos e à superproducçom de 1 hora de duraçom em quatro capítulos “Sunday, Pottery Sunday” (em colaboraçom com Seioque.com) chega a video-crónica “Defender a Língua Nom é Delito”. Nela fai-se um percorrido cronológico desde o início das mobilizaçons até as detençons e posteriores concentraçons de solidariedade tanto em Compostela como em Vigo. Contém numerosas entrevistas com activistas do galego e manifestantes que no dia 8 contestarom a demonstraçom galegófoba da entidade que pretende limitar os direitos lingüísticos dos galego-falantes e legitimar de facto a impossiçom secular do espanhol.

De GzVídeos agradecemos a colaboraçom dos e das manifestantes que intervirom nesta reportágem e chamamos à distribuiçom maciça dos materiais ante a intoxicaçom contínua à que nos sometem certos medios interessados em criminalizar os manifestantes que saíram a defender o nosso idioma de diversas formas, sendo duramente reprimidos pola policia.