GzVideos

Xavier Costa, um dos marinheiros detidos por luitar pola paralisaçom das obras do porto desportivo em Massó, intervem num acto político do BNG sobre a política pesqueira común na UE, celebrado no Hotel Bienestar em Moanha o dia 9 de janeiro. O marinheiro cangués interpelou às parlamentarixs Ana Miranda, Olaia Fernández e Bieito Lobeira, alí presentes, a respeito do conflito de Massó.

Convocados pola Confraría de Pescadores e o Foro Social de Cangas, os manifestantes denunciarom o início do recheo da Ria de Vigo em Punta Balea. Ali a promotora Mariña Atlántica –participada por Caixanova, Grupo Atlántico e Puentes y Calzada– já está a construir um porto desportivo de luxo, apesar dum informe negativo da Conselheria de Pesca e multitude de pleitos judiciais sem resolver. O novo porto desportivo (a villa já conta com um) é parte dum macroprojecto que inclue centos de apartamentos de luxo e um centro comercial no singular edifício da antiga Conserveira Massó.

O pasado 5 de xuño, foi o Día Mundial do Medio Ambiente, ecoloxistas, veciñ@s e mariñeir@s, ás11:00 hs. participamos nunha concentración diante do Concello de Cangas, logo na sucursal de Caixanova, e arredor das 12:00 acudimos ao Muelle de Oxea, a apoiar dende terra unha concentración de embarcacións contra as obras no Porto de Massó.

(more…)

Doze pessoas concentravam-se por volta das 07:00 h. desta manhá no peirao canguês de Massó, respondendo ao chamado realizado onte em Vigo polo Foro Social na mobilizaçom da rede ‘Galiza nom se vende’. As obras de aterramento da praia do Salgueirom e da área litoral próxima carecem de licença de obra, de orçamento e, incluso, de data de início e remate oficiais. Contodo, a absoluta precariedade legal do projecto nom é obstáculo para que o instituto armado espanhol defenda a sua continuidade e chegue incluso a deter vizinhos que se oponhem à comissom desta flagrante ilegalidade. Fonte: Ceivar. Mais info em Vieiros.

O 25 de maio deron comezo obras de peche e movemento de terras en Massó coa presencia de seis furgóns policiais. O Subdelegado do Goberno en Pontevedra, Delfín Fernández, está a asumir a responsabilidade de dar protección policial a unhas obras que non contan con licencia municipal e que son obxecto de dous contenciosos administrativos sen resolver e numerosas causas xudiciais en curso. O principio de autonomía municipal está a ser gravemente vulnerado. Estas obras non foron informadas polo Concello de Cangas a través dun Plan de Usos ou Plan Especial e a ordenación urbanística actual da zona é de protección de espazos naturais.