GzVideos

Pais e maes de estudantes de institutos de Iruñea oferecerom umha rolda de imprensa para denunciar a perseguiçom que sofrem os seus filhos e filhas. Segundo informaram, os jovens som perseguidos tanto dentro dos institutos por parte das direçons dos centros como na rua polos diferentes corpos policiais. “Os nossos filhos e filhas som tratados como vulgares maleantes, as suas idéias, os seus direitos civis e políticos som conculcados, som criminalizados e se lhes quer sentenciar como “possíveis” num futuro.”Segundo estes pais, a situaçom empiorou nos últimos meses, e agregam que ao autoritarismo dos diretores se lhe somou a constante presença policial que com a desculpa de lutar contra o trapicheo utiliza-se também para o controle social e perseguiçom dos jovens. “Som frequentes as identificaçons, os seguimentos, as multas… querem-no justificar com a prevençom da drogadiçom, mas a realidade é que ao camelo se lhe deixa traficar com relativa tranqüilidade e os nossos filhos e filhas tenhen totalmente estringida a liberdade de expressom”. Os pais realizarom um apelo às direçons dos centros educativos para que nom colaborem com as “”as correntes mais reaccionárias da direita navarra”.