GzVideos

Crónica audiovisual da mani-festa-acçom convocada por Maribolheras Precárias e outros trinta colectivos , que baixo o lema “A Igreja mata, apostata” contestou o patriarcado nas rúas da Corunha. A convocatória contou com diversas acçons vindicativas dirigidas á própria institutiçom Católica, clausurando simbolicamente as portas de várias igrejas da cidade. Também contra a Europa Fortaleza na rúa real, e inclusso houvo umha parada para homenagear às trabalhadoras sexuais do extinto Papagaio (transformado em centro comercial). As manifestantes “recordarom”  a Millán Astray com a colocaçom de umha bengala. Ao remate da manifa no campo da Lenha leu-se um manifesto e deu começo umha festa vindicativa que duraría até bem entrada a noite.

O pasado 14 de Xuño milleiros de persoas integraban un mais a clásica marcha contra ENCE organizada pola Apdr (Asociación pola Defensa da Ría de Pontevedra), desta vez denunciando as autorizacións ambientais que a Xunta de Galiza acaba de conceder ao complexo contaminante. Este video chega vía ADEGA.info. A seguir reproducimos o comunidado da Apdr que convocou esta marcha:

Máis →

Traballadores e traballadoras do mar foron as principais protagonistas na marcha que percorreu a cidade da Coruña o sábado 21 de xuño, desde a Praza da Palloza e até a delegación do Goberno, para reclamar das administracións locais e autonómicas que poñan fin aos verquidos que se producen nesta ría, e que son tanto un problema de saúde como un problema laboral para centos de persoas nesta comarca. A manifestación, convocada pola Plataforma en defensa da ría do Burgo, anunciou xa nesta convocatoria unha próxima mobilización para o 20 de setembro. Esta peza audiovisual contén un resumo da marcha, asi como unha entrevista cun traballador do mar afectado que explica cal é a situación na que se encontra o conflito.

O passado 14 de Junho tinha lugar no Instituto Xelmírez de Compostela umha merecida homenagem ao histórico militante nacionalista Luís Gonçales Blasco FOZ. O acto, apresentado por Comba Campoi e Xan Carlos Ánsia, contou com as intervençons de Xesús Sanxoás, Manuel A. Fernández Domínguez, Bernardo Penabade, Charo Lopes, Antom Árias Curto e Antón Moreda e com as actuaçons de Miro Casabella, Tino Baz , A Quenlla e Xico de Carinho. Desde Gzvideos quere-mos fazer a nossa particular homenagem ao FOZ meiante a confecçom deste vídeo em dúas partes que resume um acto que durou quase três horas. Desde aquí aproveita-mos para agradezer aos promotores a magnífica organizaçom do acto, especialmente a Ramón Muntxaraz, ao que vai adicado o vídeo.

Máis →