A organizaçom independentista Briga envía-nos um vídeo que recolhe a campanha de realizaçom de 366 murais que teve lugar durante todo este ano. A actividade, que rematou o 12 de Agosto em Ferrol, é apresentada num vídeo de cinco minutos que combina as imagens do día final com os murais da campanha. Mais info na web de Briga

Un mes despois do Día da Patria seguen a chegarnos audiovisuais que recollen a actividade reivindicativa nesa data. Neste caso, o vídeo que publicamos recolle a comitiva que sectores soberanistas integrados no BNG formaron na manifestación do 25 de Xullo que partiu da Alameda e rematou na praza da Quintana. O vídeo foi editado e enviado desde a organización ISCA! Estade atentas, porque en próximas datas teremos novos materiais da actividade política no 25 de Xullo.

O pasado 8 de agosto a Comisión pola Recuperación da Memoria Histórica da Coruña (CRMH) levou a cabo un acto festivo e reivindicativo nos exteriores do Pazo de Meirás para reclamar a devolución deste ao pobo galego. Mentres dentro estábase a celebrar a voda oficial da familia Franco a CRMH ofrecía unha voda alternativa á que acudiu o mismísimo Caudillo, resucitado para a ocasión. A esta peculiar ceremonia acudiron máis de 400 persoas e tamén suscitou o interese da prensa “rosa” e dos medios de comunicación empresariais. Máis info na páxina da CRMH e neste blogue.

Por volta de 300 persoas participaron na manifestación anti-touradas convocada pola plataforma Pontevedra Antitaurina, á cal se sumaron outras entidades e colectivos co obxectivo de erradicar esa atávica e sanguenta tradición da cidade do Lérez. O desproporcionado desplegue policial rematou coa identificación dos organizadores da marcha e a ameaza dunha multa que podería ascender a 15.000 euros. Mais na web da Plataforma Pontevedra Antitaurina.

Resumo das últimas actividades da plataforma Pontevedra Antitaurina. Recordade: Mobilización Antitaurina o sábado 9 ás 19h na praza da Peregrina. Contigo podemos!

 No passado dia 26 de Julho celebrou-se na Corunha umha homenagem popular a Josefa Seoane, mais conhecida como Pepita, polo seu labor solidário com @s pres@s polític@s e a sua denúncia das injustiças e penalidades do sistema penitenciário espanhol. Os seus tres filhos encontram-se encarcerados, o mais jovem Carlos Cela foi sequestrado e submetido a lei anti”terrorista” polo Estado espanhol há seis meses simplesmente polo feito de ser solidário com os seus irmaos. A celebraçom do acto tivo lugar na Praça das Cunchinhas e continuou com umha ceia na taverna Grade da Corunha.  De GzVideos a nossa particular homenagem com este vídeo. Aqui a montagem em baixa qualidade para conexons lentas. Mais info na web de Ceivar.

Varios videos que amosan a luita contra o muro que Israel esta a levantar na Cisxordania ocupada. Hai pouco un neno foi asasinado polo exército israelí nunha destas accións de resistencia. Abaixo o muro do Apartheid! Non á ocupación!

Às sete e meia da tarde do 24 de Julho dava começo em Compostela a cadeia humana convocada pola organizaçom anti-repressiva Ceivar, contra a disperssom, a tortura e a vulneraçom de direitos dos presos e a presa políticas e independentistas galegas. Umha hora depois @s solidári@s começavam a deslocar-se em fileira de a um da Praça da Galiza para o Toral, onde Ceivar faria umha comunicaçom aos e às ali presentes. O acesso ao Toral ia-se fazer através da rua das Orfas e a Rua Nova para dar maior visibilidade à fileira reivindicativa. No momento de a marcha achegar-se para a Rua Nova, dúzias de ‘antidistúrbios’ blocavam a cabeça desta junto à Igreja de Salomé ante o temor de que percorresse lugares da zona velha ateigados de gente a essa hora. O decurso posterior da mobilizaçom até o Toral fijo-se em todo momento circundados por dous cordons policiais ao tempo que arreciavam os berros contra as forças de ocupaçom, a repressom e a dispersom d@s pres@s independentistas.Mais info na web de ceivar.

Causa Galiza, plataforma ampla a prol da autodeterminaçom da Galiza, logrou reunir milheiros de galeg@s neste Día da Patria em Compostela. A mobilizaçom, que partiu da alameda de Santiago com retrasso, sobre as 14:00 horas da tarde, discorreu polas rúas da capital até chegar à praça do Toural, onde se deu leitura ao manifesto e aos comunicados de apoio por parte de organizaçons internacionais. Mais info na web de Causa Galiza.