[Visita o post para ver o video]

[Visita o post para ver o video]

“Despois de todo o tempo morto, todos os momentos desperdiciados, quedan estas paisaxes de postal atravesadas incesantemente; esta distancia organizada entre todas e cada unha. A infancia? Pero está aquí - endexamais saímos dela.[…]

¿Cando perdimos a nosa oportunidade? Non atopamos as armas que necesitabamos. Deixamos que as cousas pasen. Eu deixei que o tempo pase. Perdín o que debía ter defendido.[…]

Esta é a encrucillada na que nos atopamos e na que nos perdemos.”

Guy Debord, Crítica da separación 1961

Recuperamos esta peza experimental do peculiar cineasta granadido José Val del Omar, que se enmarca dentro da súa obra Tríptico Elemental de España. Val del Omar foi un creador místico, mais tamén un investigador da tecnoloxía cinematográfica, tanto en imaxe como en sonido, explorando novas técnicas coma o son diafónico ou o desbordamento apanorámico da imaxe.

Publicamos aquí a peza que fixo sobre Galiza, á que Val de Omar regresou a rodar, pois xa estivera aquí de misionero. Nun principio pensaba dedicarlle esta peza ao aire, mais despois de coñecer ao escultor ourensán  Arturo Baltar Santos, que traballaba o barro, decidiu facela sobre este elemento, mestura de terra e auga e con claras connotacións relixiosas.

(more…)

Vía Onaranxo.org chega a GzVídeos o documentario “Quilombo electoral“, baseado na denuncia do fraude e carencias de fiabilidade no sistema do voto emigrante, centrando os testemuños en casos recollidos na Arxentina e numerosas entrevistas. Recollendo as palabras do autor, Ciudadano Frame:

“Levaba anos pensando na conveniencia de colgar na rede este traballo e creo que xa chegou o momento. Xa pasaron algo màis de tres anos dende a sùa realizaciòn e moita xente, sobre todo amigos meus, xa tiveron ocasiòn de velo. O tempo non pasa en balde e agora lembrando os motivos que me levaron a Bos Aires a producir e realizar esta peza teño que dicir que xa non son os mesmos que o que me motiva agora a colgalo na rede.A miña primeira intenciòn era demostrar como o noso sistema electoral propiciaba o engano…agora confòrmome con mostrar.

(more…)

Unha mostra en imaxes de cousas que fan de Galicia e Sicilia dous lugares moi parecidos.Caciquismo, emigracion, pobreza.

Desta volta o director, Ozo, deixa o xénero da acción para se adentrar no do terror, cunha historia claustrofóbica de tintes sobrenaturais. Nela repite como protagonista o actor lugués Marcos PTT Carballido, acompañado polo coruñés David Lendoiro. Tamén repiten a meirande parte de integrantes do equipo técnico que fixo “Baseado…”, como Jorge Eiroa no departamento de Produción, Lorena Vilas no de Dirección ou Fanny Bello como Maquilladora, entre outros.

(more…)