GzVideos

O informativo com mais possibilidades de ser Censurado (ou nom?) da banda da navegaçom sai de novo com conteúdos renovados. Entre eles um espaço para o agro e até a apresentaçom de um novo planeta: o planeta Vanguarda.

Por segundo ano consecutivo, unhas 500 persoas acudiron á convocatoria do colectivo vigués Xogo Descuberto, co obxectivo de reclamar o uso público da illa de Toralla. Por terra e por mar as piratas “asaltaron” a illa para reivindicar que Toralla é de todxs. Desta vez, o significativo aumento de bucaneirxs nesta “abordaxe” contra a especulación veu acompañado dunha numerosa presenza de forzas represoras. As piratas que decidiron concentrarse diante da barreira que impide o acceso á illa tiveron que aturar as presións e hostilidades policiais.

Ao final do video poderedes ver tamén imaxes da concentración convocada pola rede A Ría non se Vende, para protestar pola celebración do campionato do mundo de barcos monocasco (Powerboat) en augas da ría de Vigo.

Versión en baixa calidade aquí (mp4).

A meia-noite começava a XIV Rondalha da Mocidade Com a Bandeira já com os antidisturbios preparados para impedir a manifestaçom polas ruas do casco velho da capital. Umhas 200 pessoas acompanhavam a Rondalha. Após entrar na praça do Pam dous cordons policiais impediam o passo cara o Perguntoiro e cara o Obradoiro. Nesse momento chamou-se a dar por rematado o acto. “Este cordom policial nom é o fim das mobilizaçons, a noite é mui longa, e a reivindicaçom independentista continua”, diz a militante. A concentraçom continuou na praça do Pam até que a policia carregou contra a Rondalha empregando também pelotas de goma, justo quando saem as pessoas dos fogos do Apóstolo, para impedir que se veja a manifestaçom independentista.

Mais info no site da AMI

Crónica minuto a minuto em Galizalivre.org

Música: Skárnio

A marcha Mundial das Mulleres disponibiliza na sua web unha serie de videos sobre o VII Encontro Internacional desta rede internacional feminista, chamando á participación e explicando o contido desta xuntanza internacional, na que delegadas dos cinco continentes acudirán a Vigo para celebrar estas xornadas; nas que o tema principal será a soberania alimentar.
E o propio domingo 19 de outubro haberá unha manifestación, baixo o lema “cambiar a vida das mulleres para cambiar o mundo, cambiar o mundo para cambiar a vida das mulleres”

A organizaçom independentista Briga envía-nos um vídeo que recolhe a campanha de realizaçom de 366 murais que teve lugar durante todo este ano. A actividade, que rematou o 12 de Agosto em Ferrol, é apresentada num vídeo de cinco minutos que combina as imagens do día final com os murais da campanha. Mais info na web de Briga