GzVideos

 Joam Peres, portavoz responsável nacional pola Organizaçom do organismo popular anti-repressivo CEIVAR fala-nos a cerca da campanha de solidariedade com as pressas independentistas Xiana Gomes e Ugío Caamanho perante o juíço no tribunal de excepçom da “Audiência Nacional” espanhola os dias 3 e 4 de Novembro. O portavoz do organismo chama à mobilizaçom dos movimentos sociais e populares galegos para que o processo a estes dous independentistas nom fique silenciado, ademais de denunciar a excepcionalidade e ilegitimidade do tribunal espanhol para o julgamento. Mais info no web de CEIVAR.

O venres 10 de outubro o Comité de Empresa de Faurecia Asientos de Galicia convocou unha concentración diante da Inspección de Traballo e da Delegación de Traballo en Vigo, para denunciar a complicidade das autoridades laborais na aprobación dos expedientes de regulación de emprego previstos para o sector da automoción. Mais info en Avantar.

Xosé Manuel Beiras apresentou o pasado 9 de Outubro a redición de “Por unha Galiza Liberada” na libraría Couceiro de Santiago. Acompañárono Miguel Anxo Fernán Vello, responsábel editorial de Espiral Maior e o economista Xabier Vence, que destacaron a vixencia dos conteúdos nesta etapa de crise do modelo capitalista neoliberal, así como a necesidade de manter as teses soberanistas cara à emancipación nacional.

Delegados e delegadas da CIG concentráronse de forma simultánea nas sete cidades galegas e na Mariña para manifestar a súa oposición ás modificacións introducidas na Directiva de Tempo de Traballo. Nas asembleas previas anunciouse tamén a posta en marcha da campaña contra a crise económica e alertouse do intento de rematar coa exclusividade dos médicos da sanidade pública pola vía de xeneralizar o complemento específico que, até o de agora, reciben aqueles que só traballan no sistema público.

Mais info na web da CIG

Umha vintena de membros do colectivo Siareir@s Galeg@s, receberom no Aeroporto de Alvedro, na Corunha, às jogadoras da selecçom galega de futsal, que vinham de conseguir o sub-campionato no Mundial de Futebol Salom, celebrado durante a passada semana em Reus. O desporto galego volveu a demonstrar o seu alto nível competitivo, deixando mais umha vez em evidencia a propaganda espanholista que insiste na nossa escassa capacidade desportiva da Galiza.

Mais info em: Web de Siareiras Galegas