GzVideos

Desde aquel 1964, de queda do Consello da Mocedade -e que tanto lhe afectaria-, até os nossos dias, Antom nom mudou o seu compromisso com esta Terra e o seu Tempo, ao contrário. Aínda que apartado do activismo político num primeiro plano, -ora, participando de diversos projectos de base, caso da Associaçom e revista Gaiola-, nom deixou de seguir ferreamente acreditando na dignidade e autodeterminaçom da Galiza, assi como na justiça social. Mais em opiniom-Vieiros

Recuperamos unha entrevista realizada por Vieiros a Antón Moreda, figura clave na reorganización do movemento nacional galego logo de que o golpe de Estado de 1936 tronzase a traxectoria do Partido Galeguista, e que morreu nas últimas horas. En agosto de 1953 participa na fundación das Mocedades Galeguistas de Arxentina. Asiste ao I Congreso Galego da Emigración celebrado en 1956. De volta en Galiza á altura de 1960, entra a traballar como axente comercial da Editorial Galaxia, aproveitando esta actividade para contactar con novos galeguistas organizados arredor das asociacións culturais e co grupo Brais Pinto. Foi fundador e Secretario Xeral do Consello da Mocedade, punto de arranque do nacionalismo contemporáneo e resultado da coñecida como “Operación Pomba Mensaxeira” dirixida por Antón Moreda e destinada a organizar politicamente o nacionalismo en Galiza para liderar a oposición antifranquista. Mais info en Vieiros.

Apresentamos a crónica audiovisual editada por Blogaliza-Tv da charla que a A.C O Facho organizou na Crunha no passado Novembro, na qual o historiador Anselmo López Carreira falou sobre a ocultaçom da Historia de Galiza. A seguir reproduzimos parte da crónica do blogue do Facho: ” Segundo o doutor Lopes Carreira era impossível, “algo realmente único na história da humanidade”, que o território galego, a vanguarda cultural da Europa ocidental na Idade Média, carecesse de umha estrutura jurídico-política. A Galiza foi o primeiro reino que cunhou moeda após o esfarelamento de Roma –moedas que felizmente ainda se conservam-, tivo a edificaçom mais impressionante da Europa ocidental -a catedral de Santiago- e a sua língua era utilizada para a poesia e a música por toda Europa como hoje se utiliza o inglês. ” Segue lendo no blogue da A.C O Facho.

21-11-09 Vídeo da homenaxe ás vítimas do franquismo enmarcada dentro das VIII Xornadas Libertarias organizadas pola Unión Libertaria. O acto tivo lugar no ceminterio de Canido, coa participación dxs poetas Carmen Blanco, Claudio Rodríguez Fer, Gaspar Domínguez e Alfonso Rodríguez, o músico Víctor Agulló e intervencións da Comisión para a Recuperación da Memoria Histórica da Coruña, Asociación Cultural Memoria Histórica Democrática e Asociación para a Dignificación das Vítimas do Fascismo.

O pasado 24 de Outubro a Asociación Viguesa pola Memoria Histórica do 36 levou a cabo un acto no ceminterio de Pereiró para lembrar e homenaxear ás 740 mulleres e homes vítimas da represión fascista que están alí soterradas. A asociación quería poñer unha placa conmemorativa na entrada ao ceminterio, mais a súa colocación foi prohibida polo concello de Vigo.