GzVideos

Apresentamos reportagem especial sobre o processo político - judicial que terá lugar na Audiência Nacional espanhola contra as pres@s independentistas Giana Gomes e Ugio Caamanho. O vídeo recolhe a rolda de imprensa nacional do organismo anti - repressivo Ceivar, assim como diversas entrevistas, entre elas umha aos pais de Ugio.

Mais: Juízo à militante independentista Maria Bagaria

Os temas musicais utilizados no vídeo pertencem aos grupos Hanom ausse e DIY-note.

Ontem celebrou-se na Corunha um acto de recebimento ao presso político galego Carlos Cela, que saiu recentemente da prissom espanhola de Valdemoro, após pagar umha fiança de 6000 euros. A celebraçom tivo lugar na praça das Conchinhas e continuou no LSO Casa das Atochas.

Bem-vindo a casa, Carlos!
A luita continua!

 Joam Peres, portavoz responsável nacional pola Organizaçom do organismo popular anti-repressivo CEIVAR fala-nos a cerca da campanha de solidariedade com as pressas independentistas Xiana Gomes e Ugío Caamanho perante o juíço no tribunal de excepçom da “Audiência Nacional” espanhola os dias 3 e 4 de Novembro. O portavoz do organismo chama à mobilizaçom dos movimentos sociais e populares galegos para que o processo a estes dous independentistas nom fique silenciado, ademais de denunciar a excepcionalidade e ilegitimidade do tribunal espanhol para o julgamento. Mais info no web de CEIVAR.

 No passado dia 26 de Julho celebrou-se na Corunha umha homenagem popular a Josefa Seoane, mais conhecida como Pepita, polo seu labor solidário com @s pres@s polític@s e a sua denúncia das injustiças e penalidades do sistema penitenciário espanhol. Os seus tres filhos encontram-se encarcerados, o mais jovem Carlos Cela foi sequestrado e submetido a lei anti”terrorista” polo Estado espanhol há seis meses simplesmente polo feito de ser solidário com os seus irmaos. A celebraçom do acto tivo lugar na Praça das Cunchinhas e continuou com umha ceia na taverna Grade da Corunha.  De GzVideos a nossa particular homenagem com este vídeo. Aqui a montagem em baixa qualidade para conexons lentas. Mais info na web de Ceivar.

Às sete e meia da tarde do 24 de Julho dava começo em Compostela a cadeia humana convocada pola organizaçom anti-repressiva Ceivar, contra a disperssom, a tortura e a vulneraçom de direitos dos presos e a presa políticas e independentistas galegas. Umha hora depois @s solidári@s começavam a deslocar-se em fileira de a um da Praça da Galiza para o Toral, onde Ceivar faria umha comunicaçom aos e às ali presentes. O acesso ao Toral ia-se fazer através da rua das Orfas e a Rua Nova para dar maior visibilidade à fileira reivindicativa. No momento de a marcha achegar-se para a Rua Nova, dúzias de ‘antidistúrbios’ blocavam a cabeça desta junto à Igreja de Salomé ante o temor de que percorresse lugares da zona velha ateigados de gente a essa hora. O decurso posterior da mobilizaçom até o Toral fijo-se em todo momento circundados por dous cordons policiais ao tempo que arreciavam os berros contra as forças de ocupaçom, a repressom e a dispersom d@s pres@s independentistas.Mais info na web de ceivar.