GzVideos

21-11-09 Vídeo da homenaxe ás vítimas do franquismo enmarcada dentro das VIII Xornadas Libertarias organizadas pola Unión Libertaria. O acto tivo lugar no ceminterio de Canido, coa participación dxs poetas Carmen Blanco, Claudio Rodríguez Fer, Gaspar Domínguez e Alfonso Rodríguez, o músico Víctor Agulló e intervencións da Comisión para a Recuperación da Memoria Histórica da Coruña, Asociación Cultural Memoria Histórica Democrática e Asociación para a Dignificación das Vítimas do Fascismo.

O pasado 24 de Outubro a Asociación Viguesa pola Memoria Histórica do 36 levou a cabo un acto no ceminterio de Pereiró para lembrar e homenaxear ás 740 mulleres e homes vítimas da represión fascista que están alí soterradas. A asociación quería poñer unha placa conmemorativa na entrada ao ceminterio, mais a súa colocación foi prohibida polo concello de Vigo.

Ao longo de toda a semana nas Xornadas Antiracistas de Teis tiveron lugar diversas actividades (palestras, proxeccións, pasarrúas polo bairro..) que na fin de semana do venres 10 e 11 de xullo concluiron co II Mundialinho antiracista deste bairro, que ademais do xogo de fútbol contou con concertos, xogos populares e animación para crianzas, entre outras actividades.
Nesta peza recóllense as actividades da fin da semana, asi como unha pequena entrevista con Iago Pereira, do Kolektivo Guindastre, centro social autoxestionado do bairro de Teis, organizador destes actos.
Tamén podedes ver unha galeria de imaxes do venres 10 de xullo nesta ligazón.
Boas visualizacións!

19 de Abril do 2009 - Co gallo das actividades arredor do día da República 2009, a CRMH organizou un novo roteiro, contra a simboloxía franquista na cidade da Coruña. Beatriz Amigo inmortalizou coa súa cámara o evento. A CRMH e Bulideiro de edicións amósanvos o video resultante dese traballo.

(30-04-09) A asociación Veciñxs pola Tolerancia convocou unha concentración en apoio dunha familia de etnia xitana que vén sufrindo ataques xenófobos e un acoso continuado por parte dalguns e algunhas veciñxs despois do seu traslado a Caritel (Ponte Caldelas) no proceso de realoxo dxs habitantes do poboado do Vao, agresións racistas que se veñen producindo coa completa pasividade da administración do Estado.